Монгол Улсын Гадаад харилцааны сайд Г.Занданшатар Бүгд Найрамдах Солонгос Улсын Гадаад хэрэг, худалдааны сайд Ким Сөн Хваны урилгаар 2012 оны 5 дугаар сарын 31-нээс 6 дугаар сарын 1-ний өдрүүдэд БНСУ-д айлчилна.
Айлчлалаар “Ардчиллын төлөөх Азийн Түншлэл» санаачилгыг хамтран хэрэгжүүлэх, хоёр орон дээд, өндөр түвшинд тохирсон эдийн засгийн болон бусад салбарын хамтын ажиллагааны асуудлаар яриа хэлэлцээ хийж, БНСУ-тай Ази, Номхон далайн бүс нутгийн олон талт үйл явцын хүрээнд хамтран ажиллах талаар байр сууриа илэрхийлж санал солилцоно.
Гадаад хэргийн сайд нар “Виз олгох нөхцлийг хөнгөвчлөх тухай Монгол Улсын Засгийн газар, Бүгд Найрамдах Солонгос Улсын Засгийн газар хоорондын хэлэлцээр”-т гарын үсэг зурна.
